Innokentij Seriŝev

Vivo kaj verko

Naskita la 15-an de aŭgusto 1883 en Kudaro (Siberio) Inocento Seriŝev laboris tie ĝis 1917 kiel grek-ortodoksa pastro. Poste li forlasis sian hejmlandon kaŭze de la „ruĝa despotismo“ kaj vivis tri jarojn en Japanujo, kie li studis la eduk-sistemon vojaĝante piede tra grandaj partoj de la lando. Post tio li vojaĝis tra Aŭstralio kaj, kune kun sia fratino, Eŭropo. Seriŝev, kiu postlasis multnombrajn publikaĵojn kaj grandan dokumentaron pri siaj vojaĝoj, mortis la 23-an de aŭgusto 1976.